ఈ పుట ఆమోదించబడ్డది
రేకు: 0229-02 శంకరాభరణం సం: 03-163 ఉత్సవ కీర్తనలు
పల్లవి:
మదనజనకునికి మజ్జనవేళ
పదివేలు భోగములు పరగీనదె
చ. 1:
వున్నతి వేద ఘోషాల నుర్వీధరుని మీఁద
పన్నీటి కాలువలు పారీనదె
మున్నిటి మునుల హస్తములఁ గప్పురపుధూళి
కన్నులపండుగగాఁ గప్పీనదె
చ. 2:
సేసలుగా నలువంక శ్రీసతి విభునిమీఁద
వాసన తట్టుపుణుఁగు వడిసీనదె
భాసురపుఁ జంద్రగావిపట్టుదట్టి కాంతలెల్లా
ఆసల మొలఁ గట్టగా నమరీనదె
చ. 3:
చెలరేఁగి సొమ్ములెల్లా శ్రీవేంకటేశ్వరు మేన
నెలకొని కాంతులతో నిండీనదె
అలమేలుమంగ వురమందు నెలకొని యట్టె
సలిగె గృపారసము చల్లీనదె
