ఈ పుట ఆమోదించబడ్డది
రేకు: 0228-06 సాళంగనాట సం: 03-161 కృష్ణ
పల్లవి:
పైకొని చూడరో వుట్ల పండుగ నేఁడు
ఆకడ గొల్లెతలకు నానందము నేఁడు
చ. 1:
ఆదికాలమునఁ గృష్ణు డవతరించినయట్టి-
ఆదట శ్రావణ బహుళాష్టమాయను
దాదాత రోహిణినక్షత్రము గూడె నడురేయి
సాదించ లోకులకెల్లా జయంతియాయను
చ. 2:
వసుదేవునిని దేవకిని మన్నించి కృష్ణుఁ-
డెసఁగి రేపల్లెకు నేతెంచుటాయను
కొసరి యశోదా నందగోపులకుఁ బుత్రోత్సవ-
మసమున నిచ్చి మించె నన్నిటా మేలాయను
చ. 3:
తొట్టిన రాకాసులతోడఁ గూడ భువిమీఁద
నట్టె కంసుని మదము హతమాయను
రట్టడి శ్రీవేంకటేశుఁ డిట్టె వీధుల నెల్ల
జట్టిగా మెరసే యట్టి సంభ్రమములాయను