ఈ పుట ఆమోదించబడ్డది
రేకు: 0228-05 భైరవి సం: 03-160 శరణాగతి
పల్లవి:
ఆతఁడే యిన్నియు నిచ్చు నడిగినవల్లాను
చేతిలోనే వుండఁగాను చింతించరు హరిని
చ. 1:
వలెనంటే సంపదలు వట్టి యలమటఁబెట్టు
అలసి వోపనంటేను అండనే వుండు
తలఁచి యిందరు నీతరితీపులఁ జిక్కి
తలఁచ రెందును బరతత్త్వమైన హరిని
చ. 2:
ఆసపడితే నింతులు అన్నిటాను బిగుతురు
వాసితో నుంటేనే తామే వత్తు రొద్దికి
పోసరించి యిందరు నీ పొందుల భ్రమలఁ బడి
పాసి వున్నారదే తమ పతియైన హరిని
చ. 3:
గట్టిగా రాతిరెల్లాను కలయైయుండు జగము
పట్టపగలైతే తమ పాల నుండును
బట్టబయలు పందిలి పెట్టేరుగాని చే-
పట్టరు శ్రీవేంకటాద్రిపైనున్న హరిని