ఈ పుట ఆమోదించబడ్డది
రేకు: 0224-03 లలిత సం: 03-134 శరణాగతి
పల్లవి:
పలుమారు వాదమేల పంతమేమి వచ్చె నీకు
చలమో ఫలమో సాధించుకోరయ్యా
చ. 1:
ధరమీఁదఁ జేయఁబోతే తగు పుణ్యములు లేవా
హరిదాసుఁడయ్యే పుణ్యమందుటఁ గాక
సురలు బ్రహ్మాదులును చూడఁగా నే పొడవున
తిరమై యున్నారో తెలుసుకోరయ్యా
చ. 2:
మాపుదాఁకా సలిగెలు మహిమలు లేవా
శ్రీపతిదాసులై యంత చెల్లదుఁ గాక
చేపడిన మాత్రమున చేటులేని పదవుల
యేపున నెవ్వరున్నారో యెరుఁగరయ్యా
చ. 3:
యేవలఁ గొలువఁబోతే నెందరు దైవాలు లేరు
శ్రీవేంకటేశువలె రక్షించరుఁ గాక
కోవరమై యేఁటనేఁటాఁ గోరి వరములకుఁగా
కావించి పరుష వచ్చేకత చూచుకోరయ్యా
