ఈ పుట ఆమోదించబడ్డది
రేకు: 0224-04 శుద్ధవసంతం సం: 03-135 అధ్యాత్మ
పల్లవి:
నగుఁబాట్లకు లోనై నడచుఁగాక
అగపడి పరసుఖమందఁబోయీనా
చ. 1:
కడిగేది వొకచేత కష్టమే దినదినము
కుడిచేది వొకచేతఁ గోరినవెల్లా
యెడయక తన సిగ్గు యెరఁగని యీ దేహి
అడరి హరిమహిమల వెరిఁగీనా
చ. 2:
వొద్దనుండి రాతిరెల్లా వొడలేమి నెరఁగఁడు
పొద్దు వొడచినమీఁద భోగమే కోరు
కొద్దిమాలినట్టి తనఘోరము విచారించఁడు
సుద్దులైన హరిభక్తి సోదించీనా
చ. 3:
అనుభవించేది నిచ్చా నంగనల మాంసమే
అనిశము సేయఁబొయ్యే వాచారములే
తనివోక మనసులో తనవెఱ్ఱి గానఁడు
ఘనుఁడు శ్రీవేంకటేశుఁ గానబొయ్యినా
