ఈ పుట ఆమోదించబడ్డది
రేకు: 0221-05 లలిత సం: 03-118 శరణాగతి
పల్లవి:
వెదకినఁ దెలియదు వెనక ముందరలు
పదమున నిలుపవె పరమాత్మా
చ. 1:
కోరిక లూరక కొనలు సాగఁగా
బారలు చాఁచీఁ బ్రపంచము
యీరీతి జీవులు ఇలఁ బొడమఁ బొడమ
దూరంబాయను తొలుతటి రాక
చ. 2:
కాయపు మదములు కప్పఁగఁ గప్పఁగ
ఆయము లంటీనదె మాయ
పాయక ఇందే పనుపడి పనుపడి
చాయలు మరచిరి జంతువులు
చ. 3:
బలుశరణాగతి ప్రాణులు దలఁచఁగ
నెలవున నిలిపెను నీకరుణ
ఇలపై శ్రీవేంకటేశ్వర యిహ పర-
మలవడి దొరకెను అరచేతికిని
