ఈ పుట అచ్చుదిద్దబడ్డది
చి. శృం. రేకు: 07-3 సాళంగనాట సం: 10-038
పల్లవి:
తగవో బలిమో నీతలఁపై నాతోఁ జెప్పర
నగువమోముతోఁ గదిరినాథ నీవు
చ. 1:
యేరా వొద్దన్న మాన విల్లురికి నాతోను
మీరి నవ్వేవు కోమటిమేనరికమా
వారము వజ్జ మనక వాకిట నన్ను నాఁగేవు
పోరచి మావారు నీకుఁ బోఁక వెట్టిరా
చ. 2:
కొంత గొంత కోపించిన కొంగువట్టి నాతోను
రంతులు సేసేవు నీకు రాచబలిమా
వంతుకు వాసికి నన్ను వావిదేరఁ బిలిచేవు
కొంతైనా మావారు నీవుంకువ వట్టిరా
చ. 3:
గబ్బినై యదలించిన కన్నుల మొక్కుచునన్ను
గొబ్బునఁ గాఁగిలించేవు గొల్లదోమటా
అబ్బురపు శ్రీవెంకటాద్రినాథ కూడితివి
సిబ్బితివాయఁ బెండ్లి సేసిరా నీకూ
