ఈ పుట అచ్చుదిద్దబడ్డది
చి. శృం. రేకు: 06-2 శంకరాభరణం సం: 10-031
పల్లవి:
వలపులకలగంప వాని కేమె
వలరాజుఁ గన్న తండ్రి వాని కేమె
చ. 1:
వాడికగాఁ దానె యెవ్వతెనైనా వలపించు
వాడనివాసనపువ్వు వాని కేమె
వోడఁ డెందరికినైనా వుత్తరువె చెప్పీని
వాడమగువలవిందు వాని కేమె
చ. 2:
తగిలి యెక్కడ నైనాఁ దనమేలె చూచుకొను
వగలమగతుమ్మిద వాని కేమె
తగిన ట్టిందరితో దరితీపులె సేసు
వగకాఁ డల్లారుముద్దు వాని కేమె
చ. 3:
యెనసి యెక్కడనైనా యిచ్చకమె సేసుకొను
వనితల పెనుబాఁతి వాని కేమె
ఘనుఁడు దానె శ్రీవెంకటనాథుఁడు వచ్చి
వనజాక్షి ననుఁ గూడె వాని కేమె.
