ఈ పుట అచ్చుదిద్దబడ్డది
చి. శృం. రేకు: 06-1 సామంతం సం: 10-030
పల్లవి:
ఇన్నాళ్ల నీవుగావో యెప్పటి నేనె కానో
వెన్నుఁడ నీచేఁతలె వింత లింతే కాక
చ. 1:
దాఁపరాని చెక్కుగోరు తలపించె నీగుణాలు
మాపుదాఁకాఁ దెలుపఁగ మావసమా
ఆఁపరాన తమకాన ఆపె నీమోహ మెల్లా
రూపు సేయఁగా నింత రూడి కెక్కెఁ గాక
చ. 2:
అంటినమోవిపై కెంపె అంగమచ్చమాయఁగాక
నంటునఁ దారుకాణించ నావసమా
యింటికాడ నిన్ను నాపె యెనసిన భోగ మెల్లా
వెంట వెంటనె వెల్లవిరి సేసీఁ గాక
చ. 3:
విడువనివాసనలె వెలయించె నీపొందులు
వడి నీతో వాదించ వసమా నాకు
కడువేగ శ్రీవెంకటనాథ నీవె నన్ను
వొడఁబరచి కాఁగిట నొక్కటై కూడితివి.
