ఈ పుట అచ్చుదిద్దబడ్డది
చి. శృం. రేకు: 04-6 రామక్రియ సం: 10-023
పల్లవి:
వద్దు నాతో వెచ్చీ వేవని మాయలు
వుద్దండపు వో సంబటూరి చెన్నరాయఁడా
చ. 1:
అమ్మమీఁద నానవెట్టి ఆసవుట్టె మాఁటలాడి
నమ్మించ వచ్చేవు నాకుఁ గొత్తలా
సమ్మతి నీ వలపుల సతులవద్దికె పోయి
యెమ్మెలు నెరుపేవారి నెలయించవయ్యా
చ. 2:
మానము సోఁకనాడి మచ్చిక బాస లిచ్చేవు
యీనెపాలెల్లా నే నెఱఁగనివా
వూనినవేడుకల నీ వువిదలతోడుతను
నీ నేరుపు సట లెల్లా నెరపవయ్యా
చ. 3:
కాఁగిటికిఁ జేరఁ దీసి కన్నుల మొక్కులు మొక్కి
ఆఁగేవు నేఁ దెలియనిపనులా
నాఁగువార శ్రీవెంకటనాథ నన్నుఁ గూడితివి
యేగి వచ్చి యిట్టె మాయింట నుండవయ్యా
