ఈ పుట అచ్చుదిద్దబడ్డది
చి. శృం. రేకు: 03-5 కేదారగౌళ సం: 10-016
పల్లవి:
పడఁతి నీయాసనె బతి కున్నది
యెడయక నీవింక నెట్టయినాఁ జేయుమీ
చ. 1:
గుబ్బలమీఁద జెలి కొంగు వేయదు
నిబ్బరపుమోహమున నిన్నుఁ దలచి
గబ్బియైన మరునిచే కాఁకలు బెట్టు
అబ్బురపు విరహమూ నాఁపలేక వున్నది
చ. 2:
పొలఁతి మేనఁ గస్తూరి వూయ నొల్లదు
నెలకొన్న వలపుల నిన్నుఁ దలచి
కలువ బాణాలచేతిగాసియూ బెట్టు
బలిమైన తాపముల బారిఁ బడి యున్నది
చ. 3:
సతి నీవు గూడఁగాను సంతసించెను
గతియైన శ్రీవెంకటనాథుఁడా
యితవైన పాయము నీ కెక్కెను నేఁడు
సతతము నిన్నుఁ గూడి చల్లనై వున్నది.
