ఈ పుట అచ్చుదిద్దబడ్డది
చి. శృం. రేకు: 03-4 హిజ్జిజి సం: 10-015
పల్లవి:
ఎటువంటివాఁడె యీతఁడు
యిటువలె దగ్గరీ నీతఁడు
చ. 1:
తలయెత్తి చూచితే తనుఁ జూచితి నంటా
యెలయించవచ్చీ నీతఁడు
చెలులతోడ నేఁ జెసన్న సేసితే
యెలమి దగ్గరవచ్చీ నీతఁడు
చ. 2:
యింతిఁ బిలిచితే యెరపరికము లేక
యింతలోఁ బలికీ నీతఁడు
చెంత నాసకిపైఁ జెయివేయఁబోతే
యెంత కెంత చెయ్యొగ్గీ నీతఁడు
చ. 3:
యెదుటనున్నసతితో నేకతము లాడఁబోతే
యిదివో కాఁగిలించీ నీతఁడు
కదిసి యిప్పుడు శ్రీవెంకటనాథుఁడు నా
యెదలోనె పాయకున్నాఁ డీతఁడు
