ఈ పుట అచ్చుదిద్దబడ్డది
చి. శృం. రేకు: 03-1 ముఖారి సం: 10-012
పల్లవి:
ఇన్నియు నేమి సేయునె యింపు లిన్నియునుఁగూడి
కన్నెపాయాననె నన్నుఁ గలికి జేయఁగను
చ. 1:
మన సేమి సేయునె మచ్చిక యీవలపులు
కొనసాగి లోలోనె గుబ్బతిలఁగా
తను వేమి సేయునె తతిగొన్న తమకము
వెనుకొని పోనీక వీరిడిఁ జేయఁగను
చ. 2:
చూపు లేమి సేయునే సుడిగొన్న జవ్వనము
పై పైఁ దీపు లెక్కించి భ్రమయించఁగా
కోప మేమి సేయునె గురియై యీ విరహము
ఆపసోపాలె రేఁచి అలయించఁగాను
చ. 3:
పులక లేమి సేయునె పోదియై పతికాఁగిలి
కళలలోని మర్మాలు గలఁచఁగాను
చెలువ మేమి సేయునె శ్రీవెంకటనాథుఁడు
సొలపులరతిఁ గూడి చొక్కించఁగాను
