ఈ పుట అచ్చుదిద్దబడ్డది
చి. శృం. రేకు: 01-5 పాడి సం: 10-5
పల్లవి:
మేలురా యీనీగుణము మెచ్చవచ్చును
పోలించ నీచేఁత పూఁట పూఁట కొత్తేకాదా
చ. 1:
దిట్టయై యెవ్వతెయైనాఁ దిట్టినా నవ్వెటి నీవు
యెట్టు నేఁ బొగడినాను యీరసించేవు
యిట్టె వలపించేవా రేమ్ననినా జెల్లుఁగాక
నెట్టన నేనూరకున్నా నీకు నెగ్గేకాదా
చ. 2:
తొయ్యలి యెవ్వతెయైనాఁ దోకినా నవ్వెటి నీవు
యియ్యెడ నేమొక్కినాను యేవగించేవు
నెయ్యపువారిచేఁతలె నీకు నితవౌఁగాక
చయ్యన నామోహమైన చప్పనెకాదా
చ. 3:
వొదుగ కెవ్వతె గైకోకుండినా నవ్వెటి నీవు
యెదురుకొన్నా నామో మిటుచూడవు
యిదె శ్రీవెంకటనాథ యిట్టె నన్నుఁగూడి నా
మదిలోఁ బాయవైతివి మంచిదెకాదా
