ఈ పుట అచ్చుదిద్దబడ్డది
చి. శృం. రేకు: 01-3 సామంతం సం: 10-3
పల్లవి:
అవునె లెస్సతగవులాయనే నేఁడు
తివిరి నీకింత నాతో దీకొనఁగవలెనా
చ. 1:
మాఁటఁల దేలించనేర్చుమగువా నీకు నిప్పుడు
యేఁటికె నా విభునితో నేకాంతము
వాఁటమై నాపతిపొందు వద్దన్నా మానవు
గాఁటాన నీకింతయేలె గామిడితనాలు
చ. 2:
కూరిమివుట్టించనేర్చుకోమలి యేఁటికే నీకు
చేరి నారమణునితోఁ జేసన్నలు
సారెకు నామగనితో సరసాలు మానవు
కారణములేని దేలె గయ్యాళితనాలు
చ. 3:
కలసి మెప్పిచనేర్చుకామిని యేఁటికె నీకు
నెలవై నాకాంతునితో నెయ్యములు
యిల శ్రీవెంకటనాథుఁ డిద్దరి మన్నించికూడె
మలసి మనలో నిఁక మచ్చరా లేమిటికె
