ఈ పుట అచ్చుదిద్దబడ్డది
చి. ఆ. రేకు: 0010-05 దేవగాంధారి సం: 10-059
పల్లవి:
నిమిష మెడతెగక హరి నిన్ను దలచి
మమత నీమీఁదనే మరిపి బదుకుట గాక
చ. 1:
నిదురచేఁ గొన్నాళ్లు నేరములఁ గొన్నాళ్లు
ముదిమిచేఁ గొన్నాళ్లు మోసపోయి
కదిసి కోరినను గతకాలంబు వచ్చునె
మది మదినె వుండి యేమరక బదుకుట గాక
చ. 2:
కడుఁ దనయులకు గొంత కాంతలకు నొకకొంత
వెడలయాసలకుఁ గొంత వెట్టిసేసి
అడరి కావలె ననిన నందు సుఖ మున్నదా
చెడక నీసేవలే సేసి బదుకుట గాక
చ. 3:
ధనమువెంటాఁ దగిలి ధాన్యంబునకు దగిలి
తనవారిఁ దగిలి కాతరుఁ డైనను
కనుకలిగి శ్రీవెంకటనాథ కాతువె
కొనసాగి నిన్నునే కొలిచి బదుకుట గాక
