ఈ పుట అచ్చుదిద్దబడ్డది
చి. ఆ. రేకు: 0010-03 భూపాళం సం: 10-057
పల్లవి:
గోవిందా మేల్కొనవయ్యా
కావించి భోగము కడమా నీకు
చ. 1:
కమలజ చల్లనికాఁగిటఁ దగిలి
సమరతి బాయఁగఁ జాలవూ
కమలభవాదులు కడు నుతియింపఁగ
విమలపుశయనము విడువగ లేవు
చ. 2:
భూసతితోడుత పొందులు మరిగి
వేసర విదె నీవేడుకలా
వాసవముఖ్యులు వాకిట నుండఁగ
పాసి వుండ నని పవళించేవూ
చ. 3:
నీళామనసిజలీలలఁ దగిలి
నాలితోడ మానఁగ లేవూ
వేళాయను శ్రీవెంకటనాథుఁడ
పాలించి దాసుల బ్రతికించఁగనూ
