ఈ పుట అచ్చుదిద్దబడ్డది
చి. ఆ. రేకు: 0010-01 దేసాళం సం: 10-055
పల్లవి:
ఎఱుక గలిగితేను యీతఁడె దిక్కు
మఱి నిమిష మీతని మానివుండఁదగునా
చ. 1:
యెవ్వరిసొమ్ముగుడిచి యెవ్వరిగుఱ్ఱాలవెంట
కొవ్వుదీరఁ బారాడి కొలిచేది
యివ్వలఁ బుట్టించి పెంచి యేలిన దేవుఁ డుండఁగా
ఆవ్వ లివ్వలివారిని ఆసపడఁ దగునా
చ. 2:
తా నెవ్వరికి బుట్టి తలఁకక వూరివారి
నానందాన అయ్య లమ్మ లనుకొనేది
పానిపట్టి సర్వవిధబంధుఁడు విష్ణఁడుండఁగా
మానిసిచుట్టరికాలు మరుగగ జెల్లునా
చ. 3:
యెందువంకనో యీదేహి యేమిటినో పొగడుచు
విందువలె నెవ్వరిని వెఱ్ఱిఁజేసేది
కందువైన శ్రీవెంకటనాథుఁడు గావఁగా
సందుసుడి కోరికల సటఁ బడఁ జెల్లునా
