ఈ పుట అచ్చుదిద్దబడ్డది
చి. ఆ. రేకు: 0008-06 శుద్ధవసంతం సం: 10-048
పల్లవి:
మేలేమి కీడేమి మించిన నీరూపమె
వాలాయించి తెలిసినవానికి
చ. 1:
యినుమేమి పసిఁడేమి యెంచిచూచితె
మనసు దెలిసిన నిర్మలునికి
ఘనమేమి కిరుదేమి కలవెల్లా నీ
తనువుగఁ దెలిసిన తత్వజ్ఞానికి
చ. 2:
పగయేమి చెలిమేమి పలుమారు నిన్ను
పొగడుచునుండెటి పుణ్యునికి
వగుపేమి వేడుకేమి వరుసతో నిన్ను
వెగటులేక కొలిచే వివేకికి
చ. 3:
చేరువేమి దవ్వేమి శ్రీవెంకటనాథ నిన్ను
కూరిమిఁ గొలిచిన సద్గుణునికి
బారమేమి పాటేమి పరమాత్మా నిన్ను
సారమతిఁ దెలిసిన సర్వజ్ఞునికిని
