ఈ పుట అచ్చుదిద్దబడ్డది
చి. ఆ. రేకు: 0005-04 గుజ్జరి సం: 10-028
పల్లవి:
చలమె చెల్లించుకొన్న సతులాల
సులభమా మీతోపొందు సుతులాల
చ. 1:
వ్రతినైన యతినైన వలలమాటలఁ బెట్టి
బతిమి చెరుతురుగా బంధువులాల
హితవరులువలెనె యింత నంత నెలయించి
తతిగొందురుగా ధనధాన్యములాల
చ. 2:
పెద్దనైన పిన్ననైన పెలుచుఁదనమె రేఁచి
కొద్దిమీరించిన కామక్రోధములాల
అద్దొ యెంతవిరక్తు నైనా విషయాలకె
తిద్దితిరిగా పంచేంద్రియములాల
చ. 3:
మునినైన ఋషినైన మోహమె పెంచి మరపి
మొనసితిరిగా యిల్లు ముంగిళ్లాల
ఘనుఁడైన శ్రీవెంకటనాథుపాదములు
చనవునఁ జూపతి రాచార్యులాలా
