ఈ పుట అచ్చుదిద్దబడ్డది
చి. ఆ. రేకు: 0005-03 నారాయణదేసాక్షి సం: 10-027
పల్లవి:
ఐన దేది కాని దందులో నేది
నానారూపి శ్రీనాథుఁడె కాకా
చ. 1:
యెవ్వరి దూషించే మెవ్వరి భూషించే
మెవ్వరు స్వతంత్రు లిందులో
అవ్వల నివ్వల నంతరాత్ముఁడైన
యవ్వనజాక్షుని ననుట గాకా
చ. 2:
యెందుకుఁ గోపించే మెందుకు మెచ్చే
మెందుఁ గద్దు మే లిందులో
అందు నిందుఁ దానె యల్లుకొన్న
నందనందనునే నమ్ముట గాకా
చ. 3:
యేచోటు మంచిది యేచోటు చెడ్డది
యేచోటు సతమౌ నిందులో
కాచేటి శ్రీవెంకటనాథుఁడె
చేచేతఁ గాణాచై చెళ్లించెఁ గాకా
