ఈ పుట అచ్చుదిద్దబడ్డది
చి. ఆ. రేకు: 0005-01 గుండక్రియ సం: 10-025
పల్లవి:
వట్టివిచారము లేల వలవని చింత లేల
దిట్టతనాన రక్షించ దేవుఁ డుండఁగాను
చ. 1:
తానె బుద్దెరిఁగితే తప్పులేల వచ్చీని
మానక యేలిక లెస్స మన్నించుఁ గాక
మేనిలోఁ బాపము లేక మించిన భయ మేఁటికి
ఆనుకొని రక్షించ శ్రీహరి యుండగాను
చ. 2:
చేరి తానె కొలిచితే జీత మేల తప్పీని
భారకుఁడై దొరయే చేపట్టుఁ గాక
మారుముద్ర గాని మంచిమాడకు వట్టము లేల
తారుకాణగా హరి తానె రక్షించుఁ గాక
చ. 3:
చనవె కలిగితేను సలి గేల తప్పీని
తన చెప్పినట్టు రాజు తాఁ జేసుఁగాక
పనివడి రాచవారి పనులకు బందె యేది
నను శ్రీవెంకటగిరినాథుడు రక్షించఁగా
