ఈ పుట అచ్చుదిద్దబడ్డది
చి. శృం. రేకు: 20-2 శంకరాభరణం సం: 10-115
పల్లవి:
ఒగ్గాలివాఁడు గదె వోయమ్మా
సిగ్గున నా కగపడె చిలుకచందమునా
చ. 1:
తలఁచుకొంటేఁ జాలు తా నాడ కేగునమ్మా
వొలసి కమ్మగట్టు పావురమువలే
నెలత మదిఁ బారితే నిదురే కానఁడమ్మా
చలపాదిరా తిరిటి జక్కవచందమునా
చ. 2:
ముదిత యెలుఁగు వింటే మొక్కలాన వాలునమ్మా
బెదరని పెంపుడుఁ బికిలివలే
సుదతి వుండిన యింటిచుట్టూఁ దిరుగునమ్మా
చెదరని మతితోడ జీనువవలెను
చ. 3:
గోమున నో యని యంటే గొబ్బున నోయనునమ్మా
కోమలపు వసంతపు కోవిలరీతి
కామించి మమ్మును శ్రీవెంకటనాథుఁడు గూడె
రామలలోఁ బాయలేని రాయంచవలెను.
