ఈ పుట అచ్చుదిద్దబడ్డది
చి. శృం. రేకు: 20-1 పాడి సం: 10-114
పల్లవి:
వేళావేళలు లేవా వినోదములకై నాను
యేలా తమకించి వస్తే యిది నీ వెఱఁగవా
చ. 1:
అయ్యో సారె నన్ను నలయించే వేరా
వొయ్యారపువాఁడ యింత కోపుదునా
చయ్యాటాన జాజిమొగసానఁ బట్టే వేరా
నెయ్యపు నాతలఁ పిది నీ వెఱఁగవా
చ. 2:
యిటె మాఁటిమాఁటికి యేఁచే విదేమిరా
పట్టిన నీ చలాన నేఁ బడఁగలనా
వుట్టిపడి చిగురాకు వుక్కఁ బెట్టే వేరా
నెట్టెన నా వల పిది నీ వెఱఁగవా
చ. 3:
చాలాఁ దరితీపుల సటలు సేసే వేరా
బాలకి నింతే నిన్నుఁ బాయ గలనా
మేలిమి దామెరలోఁ దుమ్మిద గూడినటునన్ను
యేలి శ్రీవెంకటనాథ యిది నీ వెఱఁగవా.
