ఈ పుట అచ్చుదిద్దబడ్డది
చి. శృం. రేకు: 19-5 శ్రీరాగం సం: 10-112
పల్లవి:
తామెరయాఁటదియును భువిలో దప్పులఁ బొరలఁగఁగలదా
కామించిన తన కులపురుషని కరముల నలమినఁ గాకా
చ. 1:
ఇందుకళామౌళికి నతనుని కేకాలము వైరము గాదా
కందువతో బున్నమ గాఁగా గండము గడచే
ముందరనె యెనసెటిశరములముం బారముగడపఁగవసమా
అందముగా నడుములయమ్ములు అసిఁ బోయఁ గాకా
చ. 2:
కమలోత్పత్తికి హిమరుతువుకుఁ గలకాలము వైరము గాదా
అమలాంబరమునుఁ గూడఁగ నాపద గడచే
అమరంగాఁ జక్రముఁ బాపిన అదియునుఁ గడవఁగవశమా
క్రమమునహంసాగమమునఁ గడతేరెఁ గాకా
చ. 3:
నీలాంబుదశిఖకును గాలికి నిక్కముగా వైరము గాదా
మేలిమి మీఁదటి యోగము పేర్మినీబాదలు గడచే
ఆలించిన నదియ అపూర్వం బైననుఁ గడవఁగ వశమా
తాలిమి శ్రీవెంకటనాథుఁడు తాఁగూడఁగ బ్రతికెఁ గాకా.
