ఈ పుట అచ్చుదిద్దబడ్డది
చి. శృం. రేకు: 19-1 దేసాళం సం: 10-108
పల్లవి:
ఏమి మందు గద్దె యింతు లాల యీ
రామకుఁ దిరుపతి రాముడే మందు
చ. 1:
వెలసెటి విరహన వేఁగెటియింతికి
చెలియలాల యేమి సేతమే
చలివేఁడివలపుల చవి గన్న యీపెకు
వలపించిన తనవరుఁడే మందు
చ. 2:
పొదిగొన్న తమకానఁ బొరలెటి కాంతకు
చెదరక మన మేమి సేతమే
వుదుటుఁ గోరికల నొనరెటి యీపెకు
మదిలోపలి తనమగఁడే మందు
చ. 3:
పొల్లవోని యాసఁ బొరలెటి మగువకు
చెల్లఁ బో మన మేమి సేతమే
కొల్లగా రతి నింతిఁ గూడినాఁడీపెకు
నల్లని శ్రీవెంకటనాథుఁడే మందు.
