ఈ పుట అచ్చుదిద్దబడ్డది
చి. శృం. రేకు: 18-2 బౌళి సం: 10-103
పల్లవి:
అటువంటివారికి నీ వప్పుడే వలతువు
అటు నిటు నిన్నుఁ బా లార్చీనా యేమి
చ. 1:
గుట్టున మొగలిరేకు కొమ్మపయ్యదపై వేయఁ
బుట్టెచెండు వుచ్చుకొని పొలిఁతి వేసె
అట్టె నీ చేఁతకుఁ జేఁత ఆపె సేసె నావలెనె
దట్టించక నీపై దయ దలఁచీనా యేమి
చ. 2:
మెత్తని తామెరపువ్వు మెలుతపై నీవు వేయ
బొత్తుగా బాదపుటందెఁ బొలిఁతి వేసె
మత్తిలి యాపె మారుకు మారు సేసె నావలెనె
బత్తి సేసి ని న్నూరకె పాటించీనా యేమి
చ. 3:
యించుక దగ్గరి నీ వేకతము చెప్పఁబోతే
లంచముగా నీకుఁ దమ్ములము వెట్టెను
నించి శ్రీవెంకటనాథ నిన్నుఁగూడె నావలెనె
మంచితనమునఁ గూడి మన్నించీనా యేమి
