ఈ పుట అచ్చుదిద్దబడ్డది
చి. శృం. రేకు: 15-4 హిందోళం సం: 10-087
పల్లవి:
పాలు దాగె వెన్న దినె బానల పెరుగు జుఱ్ఱె
సోలి కాఁగులనేతులు చూరలాడె నమ్మా
చ. 1:
చిన్నవాని ఆరడి సేసినట్లు వుండుఁ గాని
యెన్నెన్నిపోకిళ్లఁ బోయ్యీ యీకృష్ణుఁడు
కన్నెలు ముద్దాడఁ బోతే గంటి సేసి మోవు లెల్ల
తన్నుఁ గానట్టున్నాఁడు దయ్యపువాడమ్మా
చ. 2:
తగినపసిబిడ్డనిఁ దతిగొన్న ట్టుండుఁ గాని
యెగసక్కే లెన్ని నేర్చె యీగోవిందుడు
మగువ లెత్తుకొంటేను మరి గోళ్లువెట్టి తానె
తగవులు చెప్పెఁ గతలకారోయమ్మా
చ. 3:
పలుదూరులు బాలునిపైఁ జెప్పినట్టుండుఁ గాని
కలికివాఁడమ్మ శ్రీవెంకటనాథుఁడు
చెలులు కాఁగిలించితే సిగ్గు వీడఁ గూడి కూడి
వలపించినాడు యెటువంటివా డోయమ్మా
