ఈ పుట అచ్చుదిద్దబడ్డది
చి. శృం. రేకు: 15-1 లలిత సం: 10-084
పల్లవి:
చాలా మేలుదిరా యీబాలామణిపుడు నీ
పాలిటఁ జిక్కెరా గోపాలక కృష్ణమ్మా
చ. 1:
పంకాజముఖి నీవంకా చూచి నప్పుడే
పొంకాముగా వలచె యింకా నే మందురా
సంకె లేక నీమీఁద నంకిత మైనపాట
లంకించి పాడీ నీతో లంకెలఁ గృష్ణమ్మా
చ. 2:
పల్లాదమున నీవు మొల్లామి నందరిలో
మొల్లాపూబంతి వేయ జల్లూనఁ గరఁగెరా
మెల్లానె వ్రాసి చూచీఁ జల్లాఁగ నీ రూపమె
కల్లా గాదురా శ్రీవల్లభ కృష్ణమ్మా
చ. 3:
తటుకానా నీ వప్పుడు నటనాలా సరసాన
యిటు నటుఁ గాగిలించ నెట్లాఁ దా జొక్కెరా
విటరాయఁడవు శ్రీవెంకటనాథ నీ కూటమి
ఘటియించ వేడుక మిక్కుట మాయఁగృష్ణమ్మా
