ఈ పుట అచ్చుదిద్దబడ్డది
చి. శృం. రేకు: 13-2 గౌళ సం: 10-073
పల్లవి:
మేర లేనివల పిద మీ కేల తెలుసునే
యీరస మయ్యేబుద్దు లేల చెప్పేరే
చ. 1:
ఆఁట దెంత గబ్బి యన్నా ననుఁడ మీరిఁకవేయి
మాఁట లన్నా వాని నేను మాన లేనే
వేఁటలాడేమదనుఁడు విరహులఁ బొడగంటే
యీ టెలవంటి పూబాణా లేమరుండీనా
చ. 2:
అమ్మరో యంతటికల్ల యన్నా నంటిరి గాని
వమ్ము వోని వానిపొందు వదల లేనే
కమ్మటిఁ జందురుఁడు కాఁకలఁ బొరలేవారిపై
కుమ్మువంటి వెన్నెలలు గుప్పకుండీనా
చ. 3:
అతివ మారాడఁ జెల్ల దన్నా నంటిరి గాని
వెత లేనివానిరతి విడువ లేనే
కతకారై నన్ను శ్రీవెంకటనాథుఁ గూడె
యిత వైనకళ లెల్లా హెచ్చకుండీనా
