ఈ పుట అచ్చుదిద్దబడ్డది
చి. శృం. రేకు: 12-6 రామక్రియ సం: 10-071
పల్లవి:
కాంతాళించాడినమాఁట గాదు సుమ్మీ వోవిభుఁడ
దొంతిమాయలఁ జిక్కఁగ దొరలకుఁ జెల్లునా
చ. 1:
వేడుకతో నీ వాపె వెంట వెంటఁ దిరుగగా
చేడెలలో నెల్ల నాకు సిగ్గాయరా
యీడు లేని వలపు నిన్నెరఁగని దింతే కాక
తోడనె యీ పను లెల్ల దొరలకుఁ జెల్లునా
చ. 2:
వొయ్యనె నీ వాపెకు వూడిగాలు సేయఁగాను
నెయ్యపు నా కపు డెంత నెగు లాయరా
గయ్యాళితమి నీకు కన్నులఁ గప్పెఁ గాక
తొయ్యలికి నింత లోఁగ దొరలకుఁ జెల్లునా
చ. 3:
ఆసపడి నీ వాపెకు అట్టె కొలువు సేయఁగా
యీసున నాకునుఁ గోప మెంత వచ్చెరా
కోసువానిపల్లెలోనఁ గూడి శ్రీవెంకటనాథ
తోసిపోనైతివి యింత దొరలకుఁ జెల్లునా.
