ఈ పుట అచ్చుదిద్దబడ్డది
రేకు: 0316-6 శంకరాభరణం సంపుటం: 11-096
పల్లవి: ఇంగితాకారము లెత్త నెరిఁగినవాఁడవు
సంగ తాయఁ బను లెల్ల జయవెట్టే మయ్యా
చ. 1: చెలియభారము నీది సిగ్గులు నీ చేతివి
పలువిన్నపము లిఁకఁ బని లే దయ్యా
అలరినే మాడేమాట లన్నియు నీ వాడితివి
చలువాయ మా మనసు సారె మెక్కే మయ్యా
చ. 2: వనితపాలిటి దిద వహించుకో కిఁకఁ బోదు
అనఁగి పెనఁగ నోతో నంత యేలయ్యా
ననుపు లెల్లా నెరపి నమ్మిక నీ విచ్చితివి
తనిసితి మిఁక నీ చేఁతలకు లో నయ్యా
చ. 3: కోమలి మన్నన నీది కోరికె లెల్లా నీవి
వేమరు మండాటాల వింత లే లయ్యా
కామించి శ్రీవెంకటేశ కలసితివి యింతిని
ఆముకొంటి మిఁక నిన్ను నట్టె మెచ్చే మయ్యా
