ఈ పుట అచ్చుదిద్దబడ్డది
రేకు: 0316-5 నాదరామక్రియ సంపుటం: 11-095
పల్లవి: ఎడమాట లిఁక నేల యెదురుచూపు లేల
తడ వాయ నిన్నిటాను తా నెరుంగానే
చ. 1: మొగము చూచినఁ గాని ముచ్చటలు వాయవు
నగుతా నుండినఁ గాన ననుపు లేదు
తగులాయ మైనఁ గాని తమకము వొడమదు
వగ దీర నాతనివద్ద నుండవే
చ. 2: కందుల లంటినఁ గాని కరఁగవు మర్మములు
మందెమేళ మైనఁ గాని మాఁట లెక్కవు
చెంది చెనకినఁ గాని చిత్తము తనవి లేదు
విందువలె నిఁక వేరె విన్నప మేలే
చ. 3: చెక్కులు నొక్కినఁ గాని చేతులకసి దీరదు
వొక్కచో నుండినఁ గాని వొద్దికగాదు
యిక్కు పెరిగి శ్రీవెంకటేశుఁ డిట్టె నన్ను గూడె
చక్క నాయఁ బను లెల్ల జాణ తా నవునే