ఈ పుట అచ్చుదిద్దబడ్డది
రేకు: 0316-4 సౌరాష్ట్రం సంపుటం: 11-094
పల్లవి: కమ్మరఁ గమ్మరఁ జెప్ప కత లాయనే
చిమ్ముల నీపతి వాఁడె చిత్తగించవే
చ. 1: చెక్కునఁ బెట్టినచేయి చెలువుఁ డింతలో రాఁగా
అక్కజపు నీ సిగ్గు కడ్డ మాయనే
తక్కక పయ్యదలోన దాఁచిన నీ కుచములు
పుక్క టైన జక్కవల పోరు గాయనే
చ. 2: సెలవి నవ్విననవ్వు చేరి నీ పలుకులకు
చలువ లై యడనెడ చవు లాయనే
మెలుపున ముడిచిన మీ టైన నీతురుము
పొలయు తుమ్మిదలకు పూఁ టాయనే
చ. 3: సేసెటి నీ విడెము శ్రీవెంకటేశు కూటమి
వీసరపోక మంచివిందు లాయనే
సేసపాల రతులలో చిప్పిలు నీ కెమ్మోవి
రాసి కెక్కి చిగురులరచ్చ లాయనే
