ఈ పుట అచ్చుదిద్దబడ్డది
రేకు: 0316-2 ముఖారి సంపుటం: 11-092
పల్లవి: నయ మిచ్చి మాటలాడ నావంటిదా ఆపె
ప్రియముల బిగువులఁ బెనఁగెడుఁ గాక
చ. 1: గుట్టు దెలిసిన దాపె గొసరునా నిన్ను మరి
వట్టి సణఁగులు చల్లి వంచుఁ గాక
ఱట్టడి మొదలనె యాఱడి కింక లోఁగీనా
తిట్టులును దీవెనలు దిగఁబోసుఁ గాక
చ. 2: యింతచనవుల దాపె యిచ్చకము లాడీనా
పంతములనె నిన్నుఁ బంగించుఁ గాక
అంతేసి నేరిచినాపె అప్పణ నిన్నడిగీనా
వంతుల వాసులను మోవఁగఁ గూడుఁ గాక
చ. 3: మందెమేళముల దాపె మట్టున నుండునా నిన్నుఁ
గిందుపరచి తాఁ గరఁగించుఁ గాక
పొందితి శ్రీవెంకటేశ పొంచి నన్ను నిఁక నాపె
చందాలను చాయలను సమ్మతించుఁ గాక
