ఈ పుట అచ్చుదిద్దబడ్డది
రేకు: 0315-6 లలిత సంపుటం: 11-090
పల్లవి: మమ్ము నిన్నిటా నిఁక మన్నించుఁ గాక
చిమ్ముసిగ్గులఁ దడవు సేయ నేఁటికే
చ. 1: వలపించుకొన్నవాఁడు వాకిటికె వచ్చుఁ గాక
పిలిపించుకొన నేలె పెనఁగ నేలె
చలి వాసినట్టివాఁడు సరసము లాడుఁ గాక
యెలయించి యెడమాఁట లిఁక నేఁటికే
చ. 2: చేసుకొన్న యట్టివాఁడు చెప్పినట్టె నేసుఁ గాక
మూసి దాఁపిరము లేలె మొరఁగు లేలె
ఆసపడినట్టివాఁడు అండనె కూచుండుఁగాక
వోసరించి మరి కొన్ని వొడఁబా ట్లేఁటికే
చ. 3: చేయి చాఁచినట్టివాఁడు చెనకి కలసుఁగాక
నాయముల వెట్ట నేలె నలన లేలె
యీయెడ శ్రీవెంకటశుఁ డేకమై కూడినవాఁడు
చాయలకు లోలోనిసన్న లిఁక నేఁటికే