ఈ పుట అచ్చుదిద్దబడ్డది
రేకు: 0315-5 వరాళి సంపుటం: 11-089
పల్లవి: ఎట్టు సేసిన నాతని నేమీ ననకురమ్మ
గుట్టు సేసు కుండితేను గుణవంతుఁ డౌనె
చ. 1: మచ్చరించఁ బని లేదు మాపుదాఁకా బతితోడ
పచ్చి దేర నవ్వితేనె పంత మాడటా
యెచ్చుకుందు లేమి గల్ల నిచ్చగించి గక్కునను
కొచ్చి కౌఁగిలించుకొంటె గుణవంతుఁడౌనె
చ. 2: వెంగె మాడఁ బని లేదు వేవేలైనా నాతని
సంగడిఁ గూచుండితేనె సాధించుటా
సంగతి దప్పినవేళ సరసుని రతులకు
కొంగు పట్టి తీసితేను గుణవంతుఁడౌనె
చ. 3: బాస గొనఁ బని లేదు పైకొని కాఁగిటిలోనె
సేసవెట్టి కూడితేనె చిక్కించుటా
యీసు దీర శ్రీవెంకటేశుఁ గలసితి విఁక
గోసనాస గొనంకుంటె గుణవంతుఁడౌనె