ఈ పుట అచ్చుదిద్దబడ్డది
రేకు: 0315-2 శంకరాభరణం సంపుటం: 11-086
పల్లవి: తెలుసుకో యిఁక నీవు తేటతెల్ల మిగ మమ్ము
తలఁచుకో వారివంటిదాననె యింతనుండి
చ. 1: యిచ్చక మాడేటివారు యిన్నిటా నితవరులు
నిచ్చ బుద్ది చెప్పేవారె నిష్టూరులు
యెచ్చుకుంద లింతేసి యెరఁగ నైతి నిన్నాళ్లు
తచ్చన నే వారితోదాననె యింతనుండి
చ. 2: మాయలు నేర్చినవారు మహిలోన జాణలు
నాయాలు నడచేవారె నాలికూళలు
బాయలుపందిలి వన్ని భ్రమించ నైతి నిన్నాళ్లు
దాయగత్తెనై వారిలోదాననె యింతనుండి
చ. 3: గక్కన జంకించువారె కందువచనవరులు
చిక్కి లోనై నవారె జిగి వెఱ్ఱులు
యిక్కువ శ్రీవెంకటేశ యెనసితి నేఁడిన్నాళ్లు
తక్కక నీవారిలోదాననె యింతనుండి
