ఈ పుట అచ్చుదిద్దబడ్డది
రేకు: 0315-1 భైరవి సంపుటం: 11-085
పల్లవి: సకలాపరాధము శమియించుకోవయ్య
అకలంక మైననీ యానతిలో దానను
చ. 1: చేరి నీ పాదములకు సేవ సేసే నంటినా
నేరుపులు నీ వెరంగనివి లేవు
యేరీతి నైనాను చేయెత్తి మొక్కే నంటినా
కారాణాలు నీ విన్నీఁ గాననవి గావు
చ. 2: మన సిచ్చి నోతోను మాట లాడే నంటినా
వెనక ముందర నీకు వింత గాదు
చనవు మెరసి నీసరుస నుండే నంటినా
వినికిగా నీవు తొల్లి విననిది గాదు
చ. 3: గక్కనఁ గాఁగిట నిన్ను గరఁగించే నంటినా
యిక్కువల నీకు నిది యెరవు గాదు
చిక్కి నన్నుఁ గూడితివి శ్రీవెంకటేశ్వర నేఁడు
పెక్కుసుద్దు లెల్ల నీకు భేదము గాదూ
