ఈ పుట అచ్చుదిద్దబడ్డది
రేకు: 0314-6 ఆహిరి సంపుటం: 11-084
పల్లవి: చెలులము మా కెప్పుడు సిగ్గె మేలు
సొలసి నిన్నుఁ గన్నుల జూచుటే మేలు
చ. 1: మంచిమాట లాడినాను మర్మములు సోఁకీ నిన్ను
యించుక గుట్టున నుండే దిదె మేలు
అంచెల నీ వాన తీఁగా అట్టె విని చొక్కుకొంటా
వుంచముతో సారె సారె నూఁకొనుటె మేలు
చ. 2: వూడిగాలు సేసినాను వోరసిన ట్లయ్యీని
వోడక కొలిచి నిలచుండుటె మేలు
వేడుక నీవు చేయి వేయఁగా బొగడుకంటా
వాడికెతోడ నీకుఁ గైవస మౌటె మేలు
చ. 3: చేయి పట్టి తీసితేను సేవలు గొన్న ట్టయ్యీని
చాయల నీదాన ననేసలిగె మేల
యీయెడ శ్రీవెంకటేశ యింతలో నన్నుఁ గూడితి
పాయక యిట్ల నుండేభాగ్యమె మేలు
