ఈ పుట అచ్చుదిద్దబడ్డది
రేకు: 0314-5 వరాళి సంపుటం: 11-083
పల్లవి: చూచినవారికి జూడ పోద్యా లివి
యేచినవేడుకె కాని యెంతైనా వీఁగదూ
చ. 1: యెట్టు నమ్మెనో నీ చిత్త మింతి యెవ్వరు చెప్పిన
జట్టిగొన నవ్వుఁ గాని చంచలించదు
మట్టు లేని నీ వెంతమాట పట్టిచ్చితివో
గుట్టుతోనే మెచ్చుఁ గాని కొంతైన వెరవదూ
చ. 2: కలికి నీ నిజ మెట్టు గనెనో నీ సుద్దులకు
చెలరేఁగె వుండుఁ గాని చిన్నఁబోదు
చెలిమి నీ వాపె కెంత చేతికి లో నైతివో
వలపులె చల్లుఁ గాని వసివాడదూ
చ. 3: నీ మర్మ మె ట్టెఱిఁగెనో నెలఁత నీరతులకు
వేమారుఁ బైకొనుఁ గాని వేసారదు
నేమపు శ్రీవెంకటేశ నీ వెంత చొక్కించితివో
ఆమనిభోగమె కాని ఆలయి కెరఁగదు