ఈ పుట అచ్చుదిద్దబడ్డది
రేకు: 0314-3 బౌళి సంపుటం: 11-081
పల్లవి: చేతికి నీవు లోఁ గాఁగ జెప్పేఁ గాని
యేతులఁ గుచ్చితా లుండె యిందాఁక నాకును
చ. 1: మంతన మాడితిని మగువతో నీ వప్పుడు
పంతము లాడితెనే నీ పడఁతితోడ
యింతలో నీవు రాఁగానె యేకచిత్త మాయఁ గాని
దొంతర చలము లెక్కె తోడఁదోడ నాకును
చ. 2: చేతులు చాఁచితివ చెలియపై నీ వప్పుడు
కాతరాలు రేఁచితి నా కాయములోన
యీతలఁ జెక్కు నొక్కఁగా యియ్యకొంటి నేనన్నియు
వాతులు మోవఁగఁ బొంగె వాసు లెల్ల నాకును
చ. 3: కన్నులచె మొక్కితివి కాంతకు నీ వల్లప్పుడు
సన్నలఁ దిట్టితి నిన్ను సారెకు నేను
అన్నిటా శ్రీవెంటకేశ అలమఁగ మెచ్చేఁగాని
నున్ననిచెమట నిండె నొసలనె నాకునూ