ఈ పుట అచ్చుదిద్దబడ్డది
రేకు: 0314-2 దేసాళం సంపుటం: 11-080
పల్లవి: ముందటికి వెనకకు మొక్కేము నీకు
కందువ లన్నియు నీవె కనుకొమ్మీ యిఁకను
చ. 1: యిచ్చక మాడితి నేఁడు యింటికి నీవు రాఁగాను
కొచ్చి నిన్న రాకుండఁగఁ గొసరితిని
బచ్చెన వేఁడివలపు పచ్చి దోఁచి చిగురాయ
తచ్చి తొల్లిటియలుక తలఁచకు మిఁకను
చ. 2: కమ్మి నీవు చూడఁగాను కాను కిచ్చితి విప్పుడు
తమ్మిని వేసితిఁ దొల్లి తల వంచఁగా
వుమ్మగిలి నాసరస మొగ రెక్కి నిండఁ బూచె
దిమ్ము రేఁగినచలము తిప్పుకోకు మిఁకను
చ. 3: గక్కన నీవు గూడఁగ గాఁగిలించుకొంటి నిట్టె
మెక్కలాన నల్లప్పుడు మొరఁగితిని
చిక్కన య్యనును నాయఁ జిత్తము శ్రీవెంకటేశ
నిక్కి నీకపటములు నెరపకు మిఁకను