ఈ పుట అచ్చుదిద్దబడ్డది
రేకు: 0313-6 పాడి సంపుటం: 11-078
పల్లవి: ఆపెమారు విన్నవించే నదివో నేను
చేపట్టిన నీచేతివే సేసెటిపనులు
చ. 1: ఆంగన నీ మాటలకు నాయములు గరఁగెను
పొంగుచునుఁ జెమరించెఁ బులకించెను
చెంగటి సిగ్గుతోడఁ జేరి నీతో మాటాడదు
యింగితాన నీ చేతివే యిటమీఁదిపనులు
చ. 2: నీవు చే చాఁచినందుకె నివ్వెరగులఁ బొందెను
భావము యింత మందె పచ్చి దేరెను
తావుల కోరికల సందడిఁ బడి వున్న దదె
యేవిధాన నీ చేతివే యిటమీఁదిపనులు
చ. 3: ఆడెటి నీ సరసాన కంతరంగము దనిసె
వీడె మందుకొన నిన్నీ వేళఁ గూడెను
జోడై శ్రీవెంకటేశ చొక్కులనె వోలవాడి
యేడ నయీనా నీ చేతివే యిటమీఁదిపనులూ