ఈ పుట అచ్చుదిద్దబడ్డది
రేకు: 0313-5 సామంతం సంపుటం: 11-077
పల్లవి: ఇందరు నవ్వే దెరఁగ దెవ్వతో యీపె
యెందు కైనాఁ దానె వచ్చీ నెవ్వతో యీపె
చ. 1: మచ్చికతో నీవు నేను మాట లాడఁగా విని
యెచ్చు కుందు లెంచ వచ్చీ నెవ్వతో యీపె
కుచ్చితాన తనలోన కోపము కొంత వెట్టుక
యిచ్చట మెచ్చులు మెచ్చీ నెవ్వతో యీపె
చ. 2: నగుతా నిద్దరమును ననుపు నటించఁగాను
యెగసక్యములు సేసీ నెవ్వతో యీపె
తగవులు చెప్పుతాఁ గాఁతాళము గొంత రేఁచుక
యెగుసనఁ బెట్టీ రేసు లెవ్వతో యీపె
చ. 3: నెయ్యపు శ్రీ వెంకటేశ నేఁడు మనము గూడఁగ
యియ్యకొని పూఁకోనీ నెవ్వతో యీపె
చయ్యాటా లిన్నియు మాని చవి సేసుక పొదిగి
యెయ్యెడ నున్నదో తాను యెవ్వతో యీపె
