ఈ పుట అచ్చుదిద్దబడ్డది
రేకు: 0313-4 మాళవిగౌళ సంపుటం: 11-076
పల్లవి: చిత్తము వచ్చినప్పుడు చేర వచ్చే వింతే కాక
యిత్తల నిందరిలోన నేమి బాఁతి నేను
చ. 1: చెక్కులు నొక్కెటివారు సేసలు వెట్టెటివారు
యిక్కువ లంటెటివారు యెందురు నీకు
వెక్కస మీ సందడిలో వేసరించఁ బోతేను
యెక్కడి కెక్కు నావల పేమి బాఁతి నేను
చ. 2: ముచ్చట నుండెటివారు మొగము చూచెటివారు
యిచ్చకా లాడెటివారు యెందరు నీకు
పచ్చిగా నీమూఁకలలో పచరించఁ బోతేను
యెచ్చటఁ గనేవు గురు తేమి బాఁతి నేను
చ. 3: కమ్ముక కూడెటివారు కాఁకలు చల్లెటివారు
యెమ్మెలు సెరుపేవారు యెందరు నీకు
దొమ్మిలో శ్రీవెంకటేశ తొల్లె నన్నుఁ గూడితివి
యిమ్ములఁ జెయి వట్టెవు యేమి బాఁతి నేను