ఈ పుట అచ్చుదిద్దబడ్డది
రేకు: 0313-3 భైరవి సంపుటం: 11-075
పల్లవి: చెచ్చెర నీవ్రతమే చెల్లెఁ గాక
యిచ్చకురాల నేను యింకా నేడ సుద్దులు
చ. 1: చేసిన నీచేఁతలకు చెక్కు నొక్కేదానఁ గాక
వేసరించి నిన్ను నంత వెంగె మాడేనా
మూసినముత్యమువలె ముంగిటికి వచ్చితివి
యీసులు నీతో నేల యింకా నేడ సుద్దులు
చ. 2: నానాటి నీగుణాలకు నవ్వు నవ్వేదానఁ గాక
కాని మ్మని పగ చాటి కాఁక రేఁచేనా
మోనాన నా యెదుటను మోహము చల్లెటి నీపై
యేనెపము వెట్టఁగల నింకా నేడ సుద్దులు
చ. 3: గక్కనఁ గూడినందుకు కరఁగెటిదానఁ గాక
యెక్కువతక్కువలు ని న్నెంచ వచ్చునా
చిక్కితిని నాపాలికి శ్రీవెంకటేశ్వర
యిక్కడనెవుండు నీవు యింకా నేడ సుద్దులు