ఈ పుట అచ్చుదిద్దబడ్డది
రేకు: 0313-1 బౌళరామక్రియ సంపుటం: 11-073
పల్లవి: ముందటనె నిలుచుండి మొక్కేము గాక
అందముగా మారుమాట లాఁడ గలమా
చ. 1: అంగన నీమోము చూచె నట్టె నీవు చూచితిని
యింగితా లెరుఁగుదురు యిద్దరు మీరు
చెంగట నుండినయట్టి చెలులము నే మెల్ల
సంగ తెరఁగక మాటసరి తియ్యవచ్చునా
చ. 2: వనిత నీతో నవ్వె వడి నీవూ నవ్వితివి
యెనలేని నేరుపరు లిద్దరూ మీరు
పనులు సేసేయట్టి పడఁతులము మేము
వెనక ముందటి మాట విన్నవించ వచ్చునా
చ. 3: సతి నిన్ను గాఁగిలించె సమ్మతించి కూడితివి
యితవు లెరుఁగుదురు యిద్దరూ మీరు
తతి శ్రీవెంకటేశుఁడ తగు మీవారము నేము
మతకాన నిఁక మారుమాట లాడ వచ్చునా