ఈ పుట అచ్చుదిద్దబడ్డది
రేకు: 0312-6 శ్రీరాగం సంపుటం: 11-072
పల్లవి: వలపు విసికితేను వాసన గద్దా
చలము సాదించఁ బోతే చవి గావు పనులు
చ. 1: మచ్చిక నీతో నిట్టె మాటలాడినప్పుడె
చెచ్చెర నీ పొందు నేఁ జేసినదాన
కొచ్చి కొచ్చి నన్నేల కొంగు వట్టి తీసేవు
వచ్చినదాననె యాల వడిఁబట్టె విఁకను
చ. 2: కన్నుఁగొనలను నిన్నుఁ గనుఁగొన్నయప్పుడె
యిన్నిపనులకు నే నియ్యకొందాన
మన్నించి యేకతములు మరి యేల చెప్పేవు
విన్నదాననె తొల్లి వేసరించ కిఁకను
చ. 3: గక్కననె నిన్ను మెచ్చి కాఁగిలింనప్పుడె
గుక్కక రతులలోఁ గూడినదాన
యిక్కువ శ్రీవెంకటేశ యేలితివి నన్ను నిట్టె
దక్కినదాననె తొల్లె దయఁ జూడు మిఁకను