ఈ పుట అచ్చుదిద్దబడ్డది
రేకు: 0312-5 కన్నడగౌళ సంపుటం: 11-071
పల్లవి: నిన్చ నిచ్చా నా బదుకు నీచేతిది
యిచ్చక మై యెందు కైనా నియ్యకొందు నేనూ
చ. 1: చెక్కు నొక్కినందుకె సేద దేరితిఁ గాక
వెక్కసపుఁజింతతోడ వేగించనా
గుక్కక నీ చేఁతలకు గోపము వచ్చునంతలో
పక్కన వేఁడు కోంటేను పైపై లో నౌదును
చ. 2: చేయి వేసినందుకె సెలవి నవ్వితిఁ గాక
చాయ సేసుక బొమ్మల జంకించనా
మాయపు నీ గుణాలను మారుకొందు నంతలోనె
ఆయములు నీ వంటితే నన్నియు మఱతును
చ. 3: కాఁగిలించుకొన్నందుకె కళల మించితిఁ గాక
చేఁగ దేఁర దల వంచి చెమరించనా
కాఁగి మాటల దూరుదు కరఁగుదు నంతలోనె
ఆఁగి శ్రీవెంకటేశ నిన్నలమి నే మెత్తును
